Тадбиркор Ўткир Юсуповга уч хонали уй совға қилди

Мамлакатимиздаги йирик ва замонавий қурилиш компанияси асосчиси Хуршид Тўраев ўз инстаграм саҳифасида терма жамоа посбони Ўткир Юсуповга Тошкент шаҳри марказидан уч хонали уй совға қилишини айтди.

"Ўзбекистон терма жамоаси посбони Ўткир Юсуповга мен ва компаниям номидан Тошкент шаҳри марказидан таъмирдан чиқарилган, мебел ва жиҳозланган уч хонали уй совға қиламан. Исталган пайтда бу совғани келиб олишлари мумкин", - деди Хуршид Тўраев.

Қайд этиш керак, Ўткир Юсупов сўнгги сонияларда рақибининг кучли ва аниқ зарбасини ушлаб олди. Бу сэйв термамизни жаҳон чемпионатига олиб чиқди.