Таэквондо. Ҳамюртимиз жаҳон чемпионатининг энг яхши спортчиси бўлди!

Мусобақа якунида Жаҳон чемпионатида умумжамоа ҳисобида кучли бешликдан ўрин олган терма жамоаларнинг ҳар бирига махсус кубок топширилди. Яъни энг кучли бешта эркаклар ва энг кучли бешта аёллар терма жамоаси кубок билан тақдирланди. 

Бундан ташқари 8та йўналишда шахсий совринлар топширилди. Қувонарлиси ўзбекистонлик Зафарбек Каримов мусобақанинг энг яхши эркак таэквондочиси деб топилди. Шундай қилиб тарихда илк бор ўзбекистонлик спортчи кадетлар ўртасидаги Жаҳон чемпионатининг энг яхши таэквондочиси  деб топилди. Ҳамюртимиз -41 кг вазн тоифасида олтин медални қўлга киритган эди. 

Барча совриндорлар билан танишинг:  

- фаол иштирок учун соврин - Австралия терма жамоаси

- энг жанговар руҳият учун соврин - Марокаш терма жамоаси

- энг яхши эркак спортчи - Зафарбек Каримов (Ўзбекистон)

- энг яхши аёл спортчи - Саназ Аббоспур Фазлабад (Эрон) 

- энг яхши эркак ҳакам - Денис Ким (Россия)

- энг яхши аёл ҳакам - Ксения Леваи (Сербия)

- энг яхши эркак мураббий - Сергей Костаненко (Россия)

- энг яхши аёл мураббий - Азам Дурусфи (Эрон)

Эркаклар

1-ўрин - Россия

 2-ўрин - Эрон

 3-ўрин - Украина

 4-ўрин - Таиланд

 5-ўрин - Хитой Тайпеи

Аёллар

1-ўрин - Эрон

 2-ўрин - Таиланд

 3-ўрин - Жанубий Корея

 4-ўрин - Туркия

 5-ўрин - АҚШ

Ўзбекистон таэквондо WTF Ассоциацияси матбуот хизмати