08 авг 15:48
Янгиликлар

Таэквондо

Таэквондо. Жаҳон чемпионатида дастлабки медални қўлга киритдик! + ФОТОГАЛЕРЕЯ

Пойтахтимиздаги "Универсал" спорт саройида таэквондо бўйича кадетлар ўртасидаги жаҳон чемпионати давом этмоқда.

Бироз аввал Ўзбекистон терма жамоаси аъзолари мазкур жаҳон чемпионатидаги дастлабки медални қўлга киритишди. Мусобақада -33 кг вазн тоифасида юртимиз шарафини ҳимоя қилган Муҳаммадамин Алиев ярим финалда украиналик Максим Маненковга қарши жанг қилди.

Кучли рақибга қарши кескин кечган жангда спортчимиз афсуски 17:31 ҳисобида имкониятни бой берди ва якунда бронза медали соҳибига айланди.

Муҳаммадаминнинг ушбу медали терма жамоамизнинг ушбу жаҳон чемпионатидаги дастлабки медали ҳисобланади.

Эслатиб ўтамиз, у мусобақа давомида бунгача Буюк Британия, Филиппин ва Швеция вакилларини мағлубиятга учратганди.

Суратлар муаллифи - Жаҳонгир Файзуллаев