Таэквондо. Тошкентда жаҳон чемпионатига тайёргарлик қандай кетмоқда?

24 июль куни Ўзбекистон Таэквондо WTF Ассоциациясида мазкур жаҳон чемпионатига тайёргарлик кўриш юзасидан кенгайтирилган йиғилиш ўтказилди.

Мазкур йиғилишни Ўзбекистон Миллий Олимпия қўмитаси президенти Шаабдурахманов Рустам Мавзурович олиб борди. Шунингдек, мажлисга Ўзбекистон Республикаси Жисмоний тарбия ва спорт вазирининг бирнчи ўринбосари Касимов Ойбек Омилович, Ўзбекистон Миллий Олимпия қўмитаси вице-президенти Камилов Азизжон Якубджанович ва бошқа кўплаб мутассади ташкилотлар ходимлари таклиф этилди.

Ўзбекистон Миллий Олимпия қўмитаси президенти Р.Шаабдурахманов бирма-бир чемпионатни ташкиллаштириш учун бириктирилган мутассади ташкилотнинг ходимлари билан танишиб, улардан амалга ошириладиган ишлар юзасидан маълумот олдилар ва қўшимча топшириқлар бериб ўтдилар.

Шу билан бирга, мажлис давомида Ассоциация раиси Шерзод Ташматов Жаҳон Чемпионатига тайёргарлик кўриш юзасидан шу кунга қадар бажарилган ва амалга ошириладиган ишлар тўғрисида умумий ҳисобот бериб ўтдилар. Мажлис сўнгида Миллий олимпия қўмитаси президенти мусобақа ўтказиладиган спорт мажмуаси ва ассоциация худудини кўздан кечирдилар ва қўшимча топшириқлар беридилар.

Ўзбекистон таэквондо федерацияси