Таэквондо WT ассоциациясида Алишер Навоий таваллудининг 580 йиллигига бағишланган учрашув бўлиб ўтди

8 февраль куни Ўзбекистон таэквондо WT ассоциациясида кадетлар ва ўсмирлар терма жамоаси аъзолари иштирокида буюк мутафаккир, ғазал мулкининг султони, давлат арбоби Низомиддин Мир Алишер Навоий таваллудининг 580 йиллигига бағишланган учрашув ташкил этилди.

Навоийхонлик кечаси Ўзбекистон таэквондо WT ассоциацияси вилоятлар бўйича координатор Ходжамқулов Ҳусниддин ва ассоциация матбуот хизмати раҳбари Малика Муродова томонидан олиб борилди. Унда ёш таэквондочиларга Алишер Навоий ҳақида маълумотлар берилди. Спортчилар эса Навоий қаламига мансуб ғазалларни айтиб беришди.

Маълумот учун, Алишер Навоий 1441 йилнинг 9 февралида Хуросон давлатининг пойтахти — Ҳирот шаҳрининг Боғи Давлатхона мавзесида туғилган. У зот буюк шоир ва мутафаккир, давлат арбоби ҳисобдаланади. Тўлиқ исми Низомиддин Мир Алишер. Навоий таҳаллуси остида чиғатой (эки ўзбек тили) ҳамда форсийда (форс тилидаги асарларида) ижод қилган.

Ўзбекистон таэквондо WT ассоциацияси матбуот хизмати