13 апр 08:14
Янгиликлар

Таэквондо

Таэквондо WТ бўйича Жаҳон чемпионатининг очилиш маросими бўлиб ўтди ФОТОРЕПОРТАЖ

Ёдда қоларли бадиий чиқишларга бой бўлган тадбирда Бутунжаҳон таэквондо федерацияси (World taekwondo), Бирлашган кураш дунёси (UWW) президентлари ҳамда юртимиз расмийлари иштирок этди.

Хусусан, унда сўз олган Ўзбекистон МОҚ раисининг биринчи ўринбосари Отабек Умаров ушбу мусобақа Олимпия шаҳарчасида ташкил этилган дастлабки жаҳон чемпионати сифатида тарихда қолишини, юртимизда таеквондо йилдан йилга ёшларнинг севимли спорт турларидан бирига айланиб бораётгани ҳақида тўхталиб ўтди.

Эслатиб ўтамиз, бу йилги дунё биринчилигида 115 та мамлакатдан 1000 нафарга яқин спортчи иштирок этмоқда. Тантанали маросимдан сўнг биринчи куннинг финал блокидан ўрин олган беллашувларга навбат берилди.

Унда +78 кг вазн тоифасида иштирок этган ҳамюртимиз Алишер Пак чемпионлик баҳсида иштирок этди. Бироқ у Жанубий Корея вакилига имкониятни бой берди ва кумуш медаль билан тақдирланди.