23 июл 07:59
Янгиликлар

Таэквондо

Таэквондо. Ёшларимиз Осиё чемпионатида муваффақиятли юришни давом эттиришмоқда

Иорданиянинг Амман шаҳрида таэквондо бўйича ёшлар ўртасида Осиё чемпионати ўзининг қизғин палласига кирган.

Мусобақанинг дастлабки кунги баҳсларида ҳамюртларимиз битта олтин ва битта бронза медалига сазовор бўлишганди. Иккинчи кун баҳсларида эса спортчиларимиз медаллар шодасига эга чиқишди.

-55 кг вазн тоифасидаги Улуғбек Рашитов барча рақибларини мағлуб этган ҳолда олтин медалга эга чиқди. -48 кг вазнли Азизжон Ўктамов эса кумуш медаль соҳибига айланди. -63 кг вазн тоифасида юртимиз шарафини ҳимоя қилган Абдулазиз Ҳамидуллаев эса бронза медалини қўлга киритди. Шунингдек, қизлар ўртасидаги беллашувларда Феруда Садикова (-63 кг) ва Озода Собиржонова (-55 кг) бронза медали билан тақдирланишди.