15 мар 14:21
Янгиликлар

Тадбирлар

Талабалар учун оммавий спорт мусобақалари йўлга қўйилади

Ўзбекистон МОҚ раҳбарияти Олий таълим, фан ва инновациялар вазирлиги ҳамда тегишли ташкилотларнинг мутасаддилари билан талаба ёшлар ўртасида оммавий спорт мусобақаларини ташкил этиш масалаларига бағишланган учрашув ўтказди.

Суҳбатда ёшларнинг жисмоний фаоллигини ошириш орқали уларнинг саломатлигини янада мустаҳкамлаш, спорт билан шуғулланувчилар қамровини кенгайтириш каби масалалар муҳокама қилинди.

Учрашув давомида маълум машқларнинг бажарилишида юқори кўрсаткичларга эришган талабаларни I, II ва III даражали нишонлар билан тақдирлаш, уларга эсдалик совғаларини тақдим этиш каби таклифлар илгари сурилди. Шунингдек, ўқувчиларнинг натижаларини рақамлаштириш борасида ҳам фикр билдирилди.