Тарихий натижа! Юнон-рум курашчиларимиз 7 та медаль билан Осиё чемпионатида биринчи бўлишди

Эътиборга молик жиҳати шундаки, Осиёнинг 2025 йилдаги энг яхши мураббийи Рустам Ассакалов бошчилигидаги Ўзбекистон юнон-рум кураши терма жамоаси қитъа чемпионатида кутилганидан ҳам яхши натижа кўрсатишди. 

Классикларимиз 4 та олтин, 2 та кумуш, 1 та бронза медали билан 189 очко тўплаган ҳолда умумжамоа ҳисобида биринчи ўринни эгаллашди. Қўшниларимиз Қозоғистон ва Қирғиз Республикаси терма жамоалари кучли учликдан жой олишди. 

Ҳожиакбар Қўчқоров (-55 кг), Айтжан Халмаханов (-67 кг), Абдулло Алиев (-77 кг) ва Раҳимжон Узоқов (-87 кг) ўз вазн тоифаларида Осиё чемпиони бўлишди ва улар шарафига Вьетнам заминида Ўзбекистон Республикаси давлат мадҳия янграб, байроғимиз кўтариди. Озодбек Халимбоев (-63 кг) ва Азимжон Соатуллаев (-82 кг) кумуш, Шаҳзод Қўчқоров (-72 кг) бронза медалига сазовор бўлди. 

Шоҳсупага кўтарилган классикларимиз:

Олтин медаллар

-55 кг: Ҳожиакбар Қўчқоров 

-67 кг: Айтжан Халмаханов

-77 кг: Абдулло Алиев 

-87 кг: Раҳимжон Узоқов

Кумуш медаллар

-63 кг: Озодбек Халимбоев 

-82 кг: Азимжон Соатуллаев

Бронза медаллар

-72 кг: Шаҳзод Қўчқоров

Умумжамоа рейтинги (Топ-3):

1. Ўзбекистон терма жамоаси — 189 очко

2. Қозоғистон терма жамоаси — 178 очко

3. Қирғиз Республикаси терма жамоаси — 177 очко