07 июн 09:19
Янгиликлар

Теннис

Tashkent W15. Етакчиларимиз эплай олмаган ишни Шубина амалга оширди, у 1/2 финалда!

Хабарингиз бор, шу кунларда пойтахтимизда теннис бўйича W15 тоифасига кирувчи турнир бўлиб ўтмоқда.

Ўзбекистоннинг биринчи ва иккинчи ракеткалари Влада Якшибарова ҳамда Нигина Абдураимова 1/8 финалда рақибаларига имкониятни бой бериб, мусобақадаги иштирокларини анча олдин якунлашди.

WTA рейтингида 1402-поғонадан жой олган ҳамюртимиз Дарья Шубина эса ўзиг яраша шов-шув кўтариб, 1/2 финалга етиб келди. Теннисчимиз 1/4 финалда турнирнинг учинчи ракеткаси, кореялик Боуёнг Жейонгни сочиб ташлади - 6/1, 6/1. Жеонг дунёнинг 624-ракеткаси бўлиб турибди.

Бугун мусобақада 1/2 финал учрашувлари ўтказилади. Дарья Шубина соат 11:00да бошланадиган финал чиптаси учун баҳсда россиялик Варвара Паншинага қарши кортга чиқади. Паншина айни пайтда WTA рейтингининг 780-поғонасида жой олган.