Tashkent W15 турнирида финалчилар аниқланди

Ўзбекистоннинг биринчи ва иккинчи ракеткалари Влада Якшибарова ҳамда Нигина Абдураимова 1/8 финалдаёқ рақибаларига имкониятни бой бериб, мусобақадаги иштирокларини анча олдин якунлашганди. 

WTA рейтингида 1402-поғонадан жой олган ҳамюртимиз Дарья Шубина финал остонасида шов-шувли юришини тўхтатди. Теннисчимиз 1/4 финалда турнирда учинчи рақам остида таснифланган дунёнинг 624-ракеткаси, кореялик Боуёнг Жейонгга ҳеч қандай имкониятни қолдирмаганди - 6/1, 6/1. 

Афсуски, Шубина 1/2 финалда россиялик Варвара Паншинага 1/6, 3/6 ҳисобида имкониятни бой бериб қўйди. Паншина айни пайтда WTA рейтингининг 780-поғонасидаг жой олган. Иккинчи ярим финалда Абдураимовани мусобақадан чиқариб юборган ҳиндистонлик Вайшнави Адкар турнирнинг биринчи ракеткаси, россиялик Ксения Ласкутовадан 7/6(5), 6/3 ҳисобида устун келди.