Татил якунланди, ҳамма машғулотга!

Бугундан Ўзбекистон терма жамоаси дзюдочилари яна актив машғулотларга қайтишади. Режа бўйича асосий жамоамиз 8-15 январь кунлари Австриянинг Миттерсил шаҳрида ўтказиладиган ўқув-машғулот йиғинида иштирок этади. Йилнинг ушбу илк хориж йиғинига 22 нафар дзюдочи мураббийлар Илиас Илиадис, Марко Спиттка, Жамшид Худойберганов ва Нурали Қобулов ҳамроҳлигида йўл олишади. 

Терма жамоамиз 16 январь куни Тошкентга қайтиб келади ва 2023 йилги мавсумнинг илк IJF мусобақаси - Португалия Гран-присига тайёргарликни пойтахтда давом эттиради. Алмададаги мусобақа 27-29 январь кунлари бўлиб ўтади. 

Айни шу дақиқаларга қадар ушбу турнирда қатнашиш истагини 5 қитъанинг 56 давлатидан жами 341 (194 эркак, 147 аёл) нафар дзюдочи билдирган. Улар орасида Ўзбекистон терма жамоаси дзюдочилари ҳам бор.