Таваллуд кунингиз муборак бўлсин, Шерзод Рихсибоевич!

Ҳурматли Шерзод Рихсибоевич, Сизни бугунги таваллуд айёмингиз билан Olamsport.com сайти номидан самимий муборакбод этамиз. Оила аъзоларингиз, яқинларингиз бахтига доимо соғ-омон бўлинг! Сизга юртимиз спортининг равнақи ва халқ орасида оммавийлигини таъминлаш ҳамда мамлакатимиз фаровонлиги йўлида олиб бораётган масъулиятли ва шарафли ишларингизда улкан муваффақиятлар тилаб қоламиз.

Мамлакат спорти Сиз каби етук мутахассис ва спорт менежери билан ҳақли равишда фахрланади. Юксак бошқарувчилик маҳорати, ишни тўғри тартиб-интизом асосида ташкил этиш, чуқур мулоҳаза билан қарор қабул қилишингиз, жамоанинг ҳар бир аъзоси ўй-ташвишларидан бохабарлигингиз бизга ҳам масъулият юклайди. Айниқса, сўнгги йилларда таэквондочиларимиз эришаётган ютуқларда, уларга яратиб берилаётган шарт-шароитларда мана шу ноёб хислатларингиз бизга куч бераётганини алоҳида таъкидлаймиз.

Ўзбек спорти ривожи йўлида меҳнат қилишдан чарчаманг!

Ҳурмат билан, olamsport.com сайти ижодий жамоаси