24 авг 10:09
Янгиликлар

Бокс/ММА

Тайсон Фьюри қанча гонорар учун Усикка қарши рингга чиқишини айтди

Супероғир вазнда WBC йўналиши чемпиони Тайсон Фьюри (32-0-1, 23 KO) бирлаштирувчи чемпионлик жанги учун катта миқдорда гонорар талаб қилмоқда.

Британиялик боксчи WBA Super, IBF, IBO ва WBO чемпионлик камарлари соҳиби, украиналик Александр Усик (20-0, 13 KO)ка қарши 500 млн. доллар эвазига жанг қилмоқчи эканини очиқлади.

"Дунёнинг энг катта жанги энг катта гонорар учун ўтказилиши шарт. Бошқача бўлиши мумкин эмас. Мен боримни номаълум хорижлик билан жангга қўядиган бўлсам, у ҳолда болакайлар ярим миллиард доллар тайёрлаб қўйишсин. Агар рақибим Жошуа бўланида эди, мен текинга жанг қилган бўлардим. Афсуски, рақибим у эмас", – дея ижтимоий тармоқдаги саҳифасида хабар қолдирган Фьюри.

Аввалроқ, Британиянинг The Sun нашри "Лўлилар қироли" Усик билан жангдан € 150 млн, Daily Mail нашри эса € 55-60 млн ишлаб олиши мумкинлигини ёзган эди.