Тайсон Фьюри ва Энтони Жошуа соф олтиндан ясалган камар учун жанг қилади

Лекин юз фоиз соф олтиндан ясалган махсус камар билан рингни тарк этади. "Британия жанги" деб номланган махсус совринни ўртага қўйиш ғояси ҳақида Ring Magazine нашри эълон қилди.

"Тайсон Фьюри ва Энтони Жошуа ўртасидаги жанг ғолибига топшириладиган "Британия жанги" махсус камари тўлиқ олтиндан бўлади", - деб хабар берди нашр ўзининг ижтимоий тармоқлардаги саҳифасида.

Иккала британиялик ҳам супероғир вазн тоифасида собиқ жаҳон чемпиони ҳисобланади. Бироқ ҳозирда уларнинг ҳеч бири ўртага қўйилиши мумкин бўлган камарга эга эмас. Шунинг баробарида бу жанг қўшимча рекламага муҳтож эмас. Қарама-қаршилик Англия учун жанг сифатида тақдим этилади ва ғолиб ўзини замонавий авлоднинг энг буюк британиялик боксчиси сифатида кўрсата олади.

Энтони Жошуа йил охирига мўлжалланган жангдан олдин 25 июнга белгиланган албаниялик Кристиан Пренгага қарши чигалёзди жангини ўтказади. Тайсон Фьюри эса ўтган ойда ҳакамларнинг якдил қарори билан россиялик Арсланбек Маҳмудовни мағлуб этган эди.