14 апр 09:16
Янгиликлар
Бокс/ММА
Тайсон Фьюрига огоҳлантириш беришди: у хибсга олиниши мумкин
Супероғир вазн тоифасида жаҳон чемпиони Тайсон Фьюри наркогуруҳ бошлиғи билан алоқа ўрнатгани учун жиноий жавобгарликка тортилиши мумкин.
Британия расмийлари бир неча боксчи, шу жумладан Тайсон Фьюрига ҳам Ирландиядаги жиноий гуруҳ раҳбари Дэниэл Кинахан билан алоқаларни узишни тавсия қилди. Акс ҳолда улар шерик сифатида жиноий жавобгарликка тортилиши мумкин.
Кинахан MTK Global промоутерлик компанияси асосчиси ҳисобланади. Тайсон Фьюрида ушбу компания билан шартнома бор. Шунингдек, боксчи февраль ойида Дубайда Кинахан билан бирга кўриниш берган.
Аввалроқ, Кинаханнинг Америкадаги 5 миллион долларлик активлари музлатилганди. Уни тутишда ёрдам берганларга шунча миқдорда мукофот пули ҳам ваъда қилинган.
Ҳавола :
Манба : The Times
Фикрлар