Теннисчиларимиз Roland Garros Junior Series'ни кучли учликда якунлашди, Абдуллаев кейинги босқичга чиқди

Ўғил болалар турнирида ҳамюртимиз Акмал Абдуллаев ҳал қилувчи учрашувда қозоғистонлик Мансур Саиновга 7-6(4), 1-6, 4-6 ҳисобида мағлуб бўлиб, иккинчи ўринни эгаллади. Бу Абдуллаевга 2025 йил октябрь ойида Японияда бўлиб ўтадиган финал босқичида Ўзбекистон шарафини ҳимоя қилиш имкониятини берди.

Алан Зинатулин эса қозоғистонлик Ансар Нияткалиевни 6-4, 2-6, 6-4 ҳисобида енгиб, учинчи ўринни қўлга киритди. Абдураҳмон Каримов ҳам ажойиб ўйин кўрсатди, у 7-ўрин учун баҳсда Ратмир Пулкевични 6-1, 6-7(8), тай-брекда 10-5 ҳисобида мағлубиятга учратди.

Кейра Ким қизлар ўртасида 5-ўрин учун кураш олиб борди, аммо шиддатли ўйинда София Малишевага 3-6, 6-4, тай-бреда 10-12 ҳисобида ютқазиб, якунда 6-ўринни эгаллади.