Теренс Кроуфорд: "Рингда исботлайдиган ҳеч нарсам қолмади"

"Бу бокснинг бир қисми: спортни тарк этиш. Аммо сенда ҳали куч кўп ва улар доим сенинг қайтишингни хоҳлашади. Исботлайдиган нарсам ҳам, ютадиган нарсам ҳам йўқ, шунинг учун кетганимдан хурсандман.

Менимча, рингда ҳамма нарсани бериш керак эмас, захира учун нимадир қолдириш керак... Кейинчалик ундан бошқа нарса учун фойдаланиш учун. Қароримдан мамнунман ва нафақада бахтлиман", - деди Кроуфорд The Ring журналига берган интервьюсида.

Эслатиб ўтамиз, ўтган йилнинг сентябрь ойида Теренс Сауль Альваресни очколар бўйича мағлуб этиб, иккинчи ўрта вазн тоифасида мутлақ жаҳон чемпионига айланган эди. Қишда Кроуфорд спортдаги фаолиятини якунлаганини эълон қилди.

У профессионал рингда 42 та ғалаба қозонган ва бирорта ҳам мағлубиятга учрамаган.