28 апр 14:14
Янгиликлар

Дзюдо

Терма жамоамиз аъзолари Жарқўрғонда ёш дзюдочилар билан учрашишди + ФОТО

Хабарингиз бор, шу кунларда дзюдо бўйича Ўзбекистон катталар терма жамоаси Сурхондарё вилоят маркази Термиз шаҳрида ўқув-машғулот йиғини ўтказяпти.

Машғулотлар Ўзбекистон дзюдо федерацияси раиси ўринбосари Бекзод Тўрабоев бошчилигида ташкил этиляпти. Куни кеча терма жамоамиз аъзолари Жарқўрғон туман болалар-ўсмирлар спорт мактабининг дзюдо залида меҳмон бўлишди. Тажрибали дзюдочилар ёш укаларига маҳорат сабоғи ўтаб беришди. Болалар ўзларини қизиқтирган саволларига жавоб олишди.

Икки авлод учрашуви якунида Жарқўрғон туман бош прокурори ва давлат хавфсизлик хизмати бошлиғи терма жамоамиз аъзоларига эсдалик совғалари улашишди.