Терма жамоамиз делегацияси Grand Prix Upper Austria 2025 турнирига жўнаб кетди

Дунёнинг элликдан ортиқ давлати спортчилари қатнашадиган ушбу мусобақада терма жамоамиз дзюдочилари юртимиз шарафини ҳимоя қилади. Ўзбекистон делегацияси шу мақсадда Австрияга йўл олди. 

Таъкидлаш жоиз, шу пайтгача -60 кг вазн тоифасида фаолият олиб борган Дилшодбек Баратов ўзини янги вазнда синаб кўради. Муроджон Йўлдошев ўзи учун янги -81 кг вазнда татамига чиқади. 

Шунингдек, Париж-2024 Олимпиадаси бронза медали совриндори, жаҳон чемпиони Музаффарбек Тўрабоев ўтган йили Токио "Катта Дубулға" турнирида +100 кг вазнда илк бор курашган эди. Тўрабоев Австрия Гран-Присида ҳам шу вазнда баҳс олиб боради. Ирисхон Қурбонбоева ҳам Тошкент ва ундан аввалги турнирларда бўлгани каби энг оғир вазн тоифасида курашади.    

Терма жамоа таркиби:

-66 кг: Дилшодбек Баратов 

-73 кг: Мардон Равшанов 

-81 кг: Муроджон Йўлдошев 

+100 кг: Музаффарбек Тўрабоев

+100 кг: Шоҳруҳхон Бахтиёров 

-48 кг: Лазиза Ҳайдарова

+78 кг: Ирисхон Қурбонбоева