Терма жамоамиз делегацияси Жаҳон чемпионатига жўнаб кетди ФОТОРЕПОРТАЖ

Ҳозиргача йилнинг асосий мусобақасида қатнашиш истагини дунёнинг 5 қитъаси 99 давлатидан жами 669 (348 эркак, 321 аёл) нафар дзюдочи билдирган. Улар қаторида Ватанимиз шарафини 18 нафар дзюдочимиз ҳимоя қилади. 

7-13 май кунлари яккалик беллашувларида жами 14 та вазн (7 та эркаклар, 7 та аёллар) тоифасида ғолиб ва совриндорлар номи маълум бўлади. 14 май санасида эса жамоавий баҳслар ўтказилади. 

Эркаклар мусобақасида энг кўп иштирокчи -90 кг вазнда (60 дзюдочи), аёллар ўртасида эса -70 кг вазн (50 дзюдочи) тоифасида рўйхатдан ўтган. Қитъалар бўйича энг кўп қатнашчи Европадан (329 нафар), энг ками эса Океания (11 нафар)дан. 

АҚШ, Франция, Италия, Қозоғистон, Япония, Мўғулистон, Корея Республикаси ва Ўзбекистондан тўлиқ таркиб – 18 нафардан дзюдочи жаҳон чемпионати медаллари учун татамига чиқади. Мезбон Қатар 4 нафар дзюдочини мусобақа учун рўйхатдан ўтказган. 

Жаҳон чемпионатида қатнашадиган таркибимиз:

-48 кг: Ҳалимажон Қурбонова 

-52 кг: Диёра Келдиёрова, Сита Кадамбаева  

-57 кг: Шукуржон Аминова, Нилуфар Ермаганбетова

-70 кг: Гулноза Матниязова, Шоҳиста Назарова

-78 кг: Ирисхон Қурбонбоева

+78 кг: Рината Илматова

-60 кг: Дилшодбек Баратов 

-66 кг: Сардор Нуриллаев, Муҳриддин Тиловов

-73 кг: Обидхон Номонов, Муроджон Йўлдошев

-81 кг: Мусо Собиров

-100 кг: Музаффарбек Тўрабоев

+100 кг: Алишер Юсупов, Шоҳруҳхон Бахтиёров