Терма жамоамизнинг Хорватиядаги йиғини бошланди + ФОТО

Илиас Илиадис бошчилигидаги дзюдочиларимиз бунгача Туркиянинг Анталия шаҳрида ўн кунлик йиғин ўтказишган эди. Энди машғулотларга бир ҳафта давомида Адриатика денгизи соҳилларида жойлашган Пула шаҳри мезбонлик қилади. Ушбу халқаро йиғинда юртимиз дзюдочиларидан ташқари Хорватия, Грузия, Словения, Дания, Арманистон терма жамоалари ҳам машғулот ўтказишяпти. 

Режа бўйича Ўзбекистон терма жамоаси бир ҳафталик машғулотлардан сўнг Тошкентга қайтади. Қисқа муддатли таътилдан кейин эса Япониянинг Майдзуру шаҳрига жўнаб кетади.