Tезкор нокаутлар устаси UFC'да дебют қилади. Уни Хабиб билан солиштиришмоқда

Кечада россиялик Алиасхаб Хизриев дебют қилади. 2020 йилнинг сентябрь ойида Алиасхаб Хизриев Тhe Ultimate Fighter мусобақасида иштирок этди ва у ерда қандай даража соҳиби эканлигини исботлаб, UFC билан шартнома имзолади. Доғистонлик жангчи ММАдаги илк жангларини M-1 Global мусобақасида ўтказган. У ерда саккизта жангда октагонга кўтарилиб, жангларининг тенг яримини биринчи раунднинг ўзида якунлашга эришган. Шундан сўнг жангчи FNG промоушени билан шартнома имзолади ва ерда тўртта жангда иштирок этиб, учтасини биринчи раунднинг ўзида якунлашга эришган. FNG промоушенида чемпионликка эришгандан сўнг Алиасхаб Хизриевни тезда Хабибга тенглаштиришни бошлашди. 

Уни UFC'нинг янги Хабиби деб атай бошлашди. Чемпионлик камаридан сўнг 31 ёшли жангчи UFC Тhe Ultimate Fighter'да иштирок этиш имконига эга бўлди. У рақибини биринчи раунднинг ўзида бўғиб қўя қолди ва Данадан тезроқ навбатдаги рақибни беришни сўради. Бу вақт орасида Али UFC'нинг машҳур менежерлари Али Абдель-Азиз ва Ризван Магомедов билан ишлашни бошлади.

 Бу эса ўз фойдасини бериши аниқ эди. Алиасхаб Хизриев ва UFC ўртасида шартнома имзоланганига бир ярим йил бўлди, шу вақт оралиғида Алиасхабнинг тўртта жанги бекор бўлишга улгирди.

Ниҳоят Хизриев ўз имкониятига эга бўлади. У эртага тонгда Денис Тиулиулинга қарши октагонга кўтарилади.

Маълумот учун, Алиасхаб Хизриев профессионал фаолияти давомида 13 та жангда иштирок этган ва барчасида ғалаба қозонган. Ғалабаларининг 8 тасини биринчи раундда эришган.