27 дек 09:26
Янгиликлар

Бокс/ММА

The Ring: Муроджон Аҳмадалиев дунёнинг энг яхши ёш боксчи бўлишга даъвогар!

Хабар берганимиздек, дунёга машҳур The Ring журнали бир нечта номинация бўйича 2018 йилнинг энг яхшилари бўлиш учун даъвогарлар рўйхатини эълон қилганди.

Эътиборга молик жиҳати шундаки, ҳамюртимиз Муроджон Аҳмадалиев ҳам номинантлар қаторига киритилган. Профессионал бокснинг енгил вазн тоифасида мағлубиятсиз одимлаётган Муроджон “Йилнинг энг яхши ёш боксчиси” номинациясида ғолиб бўлиш учун асосий даъвогар бўлиб турибди.

Муроджон Аҳмадалиевдан ташқари “Йилнинг энг яхши ёш боксчиси” бўлиш учун Жошуа Буатси, Жерон Эннис, Филип Хргович ҳамда Теофимо Лопес даъвогарлик қилишяпти.

Аҳмадалиев енгил вазн (55,3 кг) тоифаси WBA йўналиши рейтингида биринчи ўринни эгаллаб турибди. У WBA чемпионлик камари соҳиби америкалик Даниэль Романнинг биринчи рақамли рақиби ҳисобланади.

Эслатиб ўтамиз, боксчимиз 24 ноябрь куни америкалик Исаак Заратега қарши жанг ўтказиб, нокаут эвазига ғалаба қозонганди. У ўша жангида ўзининг WBA Intercontinental камарини ҳимоя қилганди.