Тим Цзю Брайан Мендосадан енгилроқ тош босди

Оқшомнинг марказий жангида асли келиб чиқиши россиялик, ҳозирда Австралия шарафини ҳимоя қилаётган Тимофей Цзю АҚШ вакили Брайан Мендосага қарши рингга кўтарилади. Жанг ғолиби WBO чемпионлик титули ҳамда вақтинчалик WBC камарига эга чиқади. 

Бугун боксчилар тарозидан ўтиш маросимида иштирок этишди. Ҳар икки боксчи биринчи ўрта вазн тоифаси учун белгиланган меъёрни бажаришган. Тимофей Цзю 69,4 кг, унинг рақиби эса 69,9 кг вазн қайд этган.

Маълумот учун, машҳур Константин Цзюнинг ўғли ҳисобланган Тим профессионал боксда 23 та жанг ўтказиб, барчасида ғалаба қозонган. Ҳисобида 17 та нокаутли жанг бор. Брайан ҳисобида эса 22 ғалаба (16 таси нокаут билан) ва 2 мағлубият бор.