13 янв 11:09
Янгиликлар

Бокс/ММА

Тожикистонда MMA бўйича 15 ёшли жаҳон чемпиони вафот этди

Аралаш яккакурашлар бўйича ёшлар ўртасида жаҳон чемпиони Муҳаммадали Саъдуллоев 15 ёшида бир гуруҳ ўсмирлар билан муштлашувда ҳалок бўлди.

Бу ҳақда Тожикистон аралаш яккакурашлар миллий федерацияси матбуот хизмати хабар берди.

Маълумотларга кўра, 12 январь куни Кўлоб шаҳридаги компьютер клубида марҳумнинг кўкрак қафаси, хусусан юрак соҳасига пичоқ урилган. Яна икки киши шифохонага ётқизилган. Полиция аллақачон икки гумонланувчини қўлга олган. Можаро сабаби ва ҳодисанинг бошқа тафсилотлари ҳозирча маълум қилинмаган.

Саъдуллоев 2024 йилда ўз ёш тоифасида аралаш яккакураш бўйича жаҳон чемпиони, 2025 йилда эса MMA бўйича Тожикистон чемпиони бўлган.