Токио Олимпиадаси ташкилий қўмитаси россияликларнинг Олимпия шаҳарчаси ҳақидаги шикоятларига жавоб қайтарди

Аввалроқ русларнинг хоналарида на телевизор, на музлатгич ва на ҳожатхона йўқлиги ҳақида хабар берилган ва жамоа аъзолари: "Ўрта аср Япониясига ўхшайди" дейишган эди.

"Биз қулай жой билан таъминлаш учун ҳамма нарсани тайёрладик деб ҳисоблаймиз. Энг қисқа вақт ичида музлатгичлар ва телевизорлар бўйича чора кўрамиз. Аммо аввал, ушбу масалага Россия томони билан ойдинлик киритишга ижозат беринг. Биз қўлимиздан келганича ҳаракат қиламиз", - дея Сэйко Хасимотонинг сўзларини келтирмоқда Nikkan Sports нашри.

Ташкилий қўмита маълумотларига кўра, Россия томони пуллик телевизор ёки музлатгич ўрнатиш учун ариза бермаган, яъни бунинг учун қўшимча тўловни амалга оширмаган.