Токио Олимпиадасига тайёргарлик муҳокама қилинди + ФОТО

Унда Ўзбекистон Миллий олимпия қўмитаси раиси ўринбосарлари Азизжон Камилов, Шерзод Ташматов, мамлакат дзюдо федерацияси раиси ўринбосарлари Зафар Мамажонов, Алишер Нарбаев, федерация мутасаддилари иштирок этди. 

Йиғилишда кўрилган биринчи масала - бу Токио Олимпиадасигача қолган мусобақалардаги терма жамоамиз аъзоларининг иштироки мавзусида бўлди. Олдинда дзюдочиларимизни Анталия ва Қозон "Катта Дубулға" турнирлари, Бишкекда ўтадиган Осиё чемпионати ҳамда Будапешт мезбонлик қиладиган жаҳон чемпионати кутиб турибди. 

Номлари тилга олинган мусобақаларнинг бари Олимпия ўйинлари лицензиялари йўлида қимматли очколарни тақдим этади. Бугунги йиғилишда дзюдочиларимизнинг ушбу мусобақалардаги муваффақиятли иштирокини таъминлаш, максимал даражада рейтинг очколари жамғариб бориш лозимлиги уқтирилди. 

Ёш дзюдочиларимизнинг Тошкент ва Тбилиси "Катта Дубулға" турнирларидаги муваффақиятли иштироки ҳам тилга олиниб, бундан кейин ҳам ёшларга кўпроқ эътибор қаратиш керакли айтилди. 

Иккинчи масала - бу Ўзбекистон Мудофаа вазири Кубогини ўтказиш ва бу мусобақани федерациянинг йиллик тақвим режасига киритиш кўриб чиқилди. Режа бўйича илк Ўзбекистон Мудофаа вазири Кубоги шу йил май ойида ўтказилади. Унда ёш дзюдочилар иштирок этади. Аввалига вилоятларда саралаш турнири ташкил этилади. Ғолиб ва совриндорлар эса мусобақанинг республика босқичида қатнашиш ҳуқуқини қўлга киритади. 

Йиғилиш сўнггида муҳокама қилинган масалалар бўйича масъулларга тегишли кўрсатмалар берилди.