Токиода Олимпия қишлоғи иш бошлади

 Коронавирус туфайли очилиш маросими ўтказилмади.

Олимпия қишлоғи Токио кўрфазида жойлашган. Унда бир вақтнинг ўзида 18 минг киши - спортчилар, мураббийлар ва жамоани қўллаб-қувватловчи ходимлар жойлашади. Спортчилар мусобақалар бошланишидан беш кун олдин қишлоққа етиб келишади ва баҳслар тугагандан кейин икки кун ичида уни тарк этишлари керак. Аммо, агар керак бўлса, Олимпия ўйинлари ташкилотчилари қолиш муддатини узайтириши мумкин.

Қишлоқ ҳудудида кеча-кундуз COVID-19 билан гумон қилинган Олимпиада иштирокчиларини текшириш учун мўлжалланган тиббиёт бўлими ишлайди. Спортчилар ҳар куни коронавирус текширувидан ўтиши, ниқоб тақиши ва ижтимоий масофани сақлаши шарт.

Токиодаги Олимпия ўйинлари 2021 йил 23 июлдан 8 августгача бўлиб ўтади.