Том Аспиналл UFC чемпиони мақомидаги илк интервьюсини берди

Бунинг натижасида вақтинчалик чемпионлик камари соҳиби бўлиб келган Том Аспиналл оғир вазннинг тўлақонли чемпионига айланди. Британиялик аралаш яккакураш устаси чемпион мақомида илк бор интервью берди. 

"Бу сиз учун, мухлислар. Оғир вазн дивизионини аввалгидек кучли қилиш фурсати етди. Фаол муносиб чемпион", - деди Аспиналл.

Кеча тунда Озарбайжонда ўтган UFC турниридан кейиги матбуот анжуманида Лига раҳбари Дана Уайт расман Жон Жонс профессионал фаолиятини якунлагани, бунинг натижасида Том Аспиналл дивизионнинг янги тўлақонли чемпионига айланганини эълон қилганди.

Дана Уайт сўзларига қўшимча қилар экан, Аспиналл Жонсга қарши жангни узоқ кутгани, бунинг учун ташкилот уни молиявий томондан рағбатлантиришини айтди. Ҳозирча Томнинг илк ҳимоя жанги қачон ва кимга қарши ўтказилиши аниқ эмас. Катта эҳтимол билан рақиб франциялик Сирил Ган бўлиши мумкин. Ган душанба куни эълон қилинадиган рейтингда дивизионнинг биринчи ўрнига қайтади.