Том Аспиналл яна учта жангдан кейин UFC’дан кетиши мумкин

Бу ҳақда британиялик оғир вазнли аралаш яккакураш устасининг отаси ва мураббийи Энди Аспиналл RMC Sport Combat’га берган интервьюсида маълум қилди.

"Унинг UFC билан амалдаги келишуви бўйича учта жанг ўтказиши қолди ва мен унинг янги шартнома имзолашини истамайман. У Сирил билан жанг қилади, ғалаба қозонади ёки ютқазади, кейин яна иккита. Том 2028 йилга келиб бокс бўйича жаҳон чемпиони бўлади. Боксда пул кўпроқ, шунинг учун нега йўқ?", - деди катта Аспиналл.

Бугун Абу-Дабида бўлиб ўтадиган UFC 321 турнирида Том Аспиналл оғир вазн тоифаси дивизион рейтингида биринчи ўринни эгаллаб турган франциялик Сирил Ганга қарши чемпионлик камарини илк бор ҳимоя қилади.

Агар британиялик бугунги жангда ғалаба қозонса, унинг кейинги рақиби россиялик Александр Волков ва бразилиялик Жаилтон Алмейда ўртасидаги даъвогарлик жанги ғолиби бўлади. Бу жанг ҳам бугун БАА пойтахтида бўлиб ўтади.