Топ-10 даги теннисчилар Индиан-Уэллс чорак финалига чиқа олишмади

Австралиялик Эшли Барти (1), беларуслик Арина Соболенко (2), америкалик София Кенин (8) ва швейцариялик Белинда Бенчич (10) старт олдидан мусобақадан чиқиб кетишди. Испаниялик Гарбин Мугуруса (6) ва грециялик Мария Саккари (9) иккинчи даврада, чехиялик Каролина Плишкова (3) учинчи босқичда мағлубиятга учради.

Мусобақани Топ-10 теннисчиларидан охирги бўлиб польшалик Ига Свёнтек (4), чехиялик Барбора Крейчикова (5) ва украиналик Элина Свитолина (7) тарк этишди.