Топурия навбатдаги жангини қачон ўтказиши айтилди

"У кун сайин яхшироқ ҳолатга келмоқда. Ростини айтсам, у умуман жанг қилмагандек таассурот қолдиряпти. Юзидаги шишлар ҳам, кўкаришлар ҳам тўлиқ йўқолди.

Шифокорлар бизга жароҳат 6–8 ҳафта ичида тўлиқ битиши кераклигини айтишди. Айниқса, суяк силжиши билан боғлиқ синиш бўлмаганини ҳисобга олсак.

Шундан кейин Илиянинг машғулотларга қайтиши ва одатий ҳаёт тарзига мослашиши учун яна маълум вақт талаб қилинади. Суякнинг тўлиқ битиши учун тахминан 2–3 ой керак бўлади, деб ўйлайман.

Реванш ёки бошқа жанг йил охирига яқин, эҳтимол декабрь ойида ўтказилиши мумкин", — деди Галло.

Эслатиб ўтамиз, Топурия UFC Freedom 250 турнирининг марказий жангида Жастин Гэтжига қарши техник нокаут билан мағлуб бўлган эди.