Тўрабекнинг вазнидаги Олимпиада чемпиони Лос-Анжелес-2028`га ҳам бормоқчи

Украиналик боксчи 2025 йилда ўзининг проф рингда ҳам синаб кўрмоқчи эканини айтмоқда. 

"Асосий мақсадим кейинги Олимпия ўйинларида иштирок этиш. Лос-Анжелес-2028 Олимпиадасида чемпионлик унвонимни ҳимоя қилишни истайман. Лекин профессионал боксдаги иштироким ҳам мен учун муҳим. Иккала йўналишда ҳам муваффақият билан одимлашда давом этишимга ишонаман", — дея Хижнякнинг сўзларини келтирмоқда Sport.ua интернет нашри.

Эслатиб ўтамиз, 29 ёшли Александр Хижняк Токио-2020 Олимпиадасида 75 кг вазн тоифасида кумуш медални ҳам қўлга киритганди. Париж Олимпиадасида унинг вазнида ёш боксчимиз Тўрабек Ҳабибуллаев анча муваффақиятли иштирок этганди. У чорак финалда кубалик номдор рақиби Арлен Лопесга ютқазиб қўйган эди. Хижняк финалда қозоғистонлик Нурбек Оралбайни мағлубиятга учратиб, олтин медални қўлга киритганди.