15 мар 10:09
Янгиликлар

Бокс/ММА

Тўрт боксчимиз Жаҳон чемпионати 1/2 финалида рингга кўтарилди + ФОТО

Сербияда ўтказилаётган бокс бўйича аёллар ўртасидаги жаҳон чемпионатида финал иштирокчилари маълум бўлди.

Дунё биринчилигининг 1/2 финалига тўрт нафар боксчи қизимиз етиб келиб, аввалги рекордни янгилаган эди. Ярим финалчилар камида бронза медалини нақд қилишади. Шу кунгача ўзбекистонлик боксчи қизлар жаҳон чемпионатларида 4 та медаль қўлга киритишмаганди.

Ярим финалда рингга кўтарилган боксчиларимиздан биргина Навбаҳор Ҳамидова ғалабага эришиб, финалга йўл олди. -66 кг вазнда юртимиз шарафини ҳимоя қилаётган Навбаҳор 1/2 финалда россиялик Албина Молдажановадан устун келди.

Афсуски, Фарзона Фозилова (-48 кг) россиялик Юлия Чумгалаковага, Сабина Бобоқулова (-50 кг) хитойлик Ху Меийига, Феруза Казакова (-52 кг) эса КХДР вакиласи Панг Чол Мига имкониятни бой бериб, бронза медали билан кифояланди.