Тошкент-2025 IV ёшлар Осиё ўйинларига селекция ишлари қизғин кетмоқда

Шу йили юртимиз илк бора йирик комплекс мусобақа – IV ёшлар Осиё ўйинларига мезбонлик қилади.

Ҳозирда ушбу ўйинлар дастурига кириши мумкин бўлган спорт турларида селекция ишлари қизғин олиб борилмоқда. Шу мақсадда Тошкент вилояти Бекобод туманида таэквондо WT бўйича 2008-2009 йилларда туғилган кадетлар ўртасида туман прокурори кубоги учун вилоят чемпионати ташкил этилди.

«Прокурор кубоги» мусобақасида Тошкент вилоятининг барча туман ва шаҳарларидан келган 150 нафар ўғил-қиз 20та вазн тоифасида ғолиблик учун даянга чиқишди. Якуний натижаларга кўра Ангрен шаҳри ёш таэквондочилари умумжамоа ҳисобида 1-ўринни қўлга киритишди. Мезбонлар эса фахрли 2-ўринни эгаллади. Кучли учликка Юқори Чирчиқ тумани спортчилари якун ясаб беришди.

Мусобақа якунида ғолиб ва совриндорлар ташкилотчилар томонидан медаль, диплом ва эсталик совғалари билан тақдирланишди.