"Тошкент" болалар хоккей клуби тақдимоти ўтказилди + ФОТО

40 нафардан ошиқ хоккей ихлосмандларини ўз сафида бирлаштириб турган жамоада 7 ёшдан 12 ёшгача бўлган болалар севимли машғулотлари билан шуғулланиб келмоқда. Ҳали республикадан ташқари бирор турнирларда иштирок этишмаган бўлишсада, режалари катта. Энг муҳими, болаларда спортга, хоккейга бўлган иштиёқ кучли.

Тақдимот маросимида хоккей мутахассислари билан бирга болалар, уларнинг ота-оналари, қизиқувчилар муз кортига жам бўлишди. Турли ёшдаги болалар ўртасида ўтказилган беллашувларда “Энг яхши ўйинчи”,  “Энг яхши ҳужумчи”, “Энг яхши ҳимоячи”, “Энг яхши дарвозабон” каби номинацияларда Дамин Фатхиев, Милослав Дамиров, Амир Исхаков, Ильмар Хамзин,  Серафим Гаклкин , Матвей Ильясов, Данис Хашимов, Матвей Папижук, Владимир Веселов, Амал Шангараев, Сергей Рахманов каби ёш хоккейчилар эътироф этилди.

Фото: Алимурод Мамадаминов