13 окт 12:46
Янгиликлар

Теннис

Тошкент “Челленжер”. Бош соврин Канадага кетади

Бир ҳафта давомида пойтахтимиздаги Республика олимпия захиралари теннис мактаби мезбонлик қилган “Челленжер” туркумига кирувчи турнир якунланди.

Соврин жамғармаси 75 000 АҚШ долларини ташкил қилувчи ушбу турнирнинг бугун сўнгги учрашуви ўтказилди ва бу баҳсда чемпион номи маълум бўлди. Бош соврин учун канадалик Феликс Алиассим Ожье ҳамда польшалик Камиль Майрхжак кортга чиқишди.

Бир соату 8 дақиқа давом этган учрашувда 18 ёшли Феликс Алиассим ортиқча қийинчиликсиз 6:3, 6:2 ҳисобида рақибини мағлуб этиб, Тошкент Челленжер-2018 ғолибига айланди. Бу теннисчи чорак финалда ҳамюртимиз Денис Истоминни мағлуб этишнинг уддасидан чиққанди.

Маълумот учун, саралаш баҳслари орқали асосий тўрга етиб келган канадалик теннисчи ATP рейтингида 128, Майрхжак эса 178-ўринни эгаллаб турибди. Теннисчилар шу кунгача бир маротаба тўқнаш келишган ва унда Феликс ғалаба қозонганди. Бугун ҳисоб 2:0га етди.