22 сен 19:19
Янгиликлар

Дзюдо

Тошкент Гран-приси. Бекмурод Олтибоев кумуш медаль соҳиби!

Пойтахтимиздаги "Ҳумо Арена"да дзюдо бўйича Тошкент Гран-при турнири якунига яқинлашди.

Ҳозиргина эркаклар ўртасидаги +100 кг вазн тоифасида финал беллашуви бўлиб ўтди. Унда юртимиз шарафини ҳимоя қилган Бекмурод Олтибоев 2018 йилги жаҳон чемпиони грузиялик Гурам Тушишвилига қарши татамига чиқди.

Афсуски, бу беллашувда тажриба ўз сўзини айтди. Ҳар икки спортчи биттадан вазарига эга бўлишди. Учрашув якунланишига 30 сония қолган бир пайтда Гурам усул қўллаб, ғалабани ўз томонига оғдириб олди. Олтибоев кумуш медалга эга бўлди.

Шу вазнда қатнашган яна бир полвонимиз Алишер Юсупов бронза медали учун баҳсда ютқазиб, 5-ўрин билан кифояланди.