Тошкент маҳаллаларининг энг кучли теннис ва бадминтончилари аниқланди ФОТОГАЛЕРЕЯ

Мусобақада маҳаллалараро ва туман босқичида ғолиб бўлган 11 та туманнинг спортчи ёшлари иштирок этишди. Спортнинг бадминтон тури бўйича “Маҳалламиз бадминтончилари” мусобақаси якунига кўра 13-14 ёшли ўғил болалар ўртасида фахрли I-ўринни Миробод тумани “Иноқобод” маҳалласидан Борисов Артём, 2-ўринни Юнусобод тумани “Шайх Шивли” маҳалласидан Шомуродов Бобур, 3-ўринни Учтепа тумани “Найман” маҳалласидан Раҳимбердиев Наврўзбек эгаллади.

13-14 ёшли қиз болалар ўртасида фахрли I-ўринни Миробод тумани “Тонг-Юлдузи” маҳалласидан Исоқова Севара, 2-ўринни Юнусобод тумани “Шайх шивли” маҳалласидан Эгамбердиева Комила, 3-ўринни эса Шайҳонтохур тумани “Белтепа” маҳалласидан Аҳмаджонова Фарангиз банд этди.

Маҳалламиз стол-теннисчилари мусобақаси якунига кўра 11-12 ёшли ўғил болалар ўртасида ғолиблик Чилонзор тумани “Нафосат” маҳалласидан Худоёров Нодирбекка насиб этди. Юнусобод тумани “Шайх Шивли” маҳалласидан Шомуродов Амирхон иккинчи ўринни эгаллаган бўлса, кучли учликка Сергели тумани “Навқирон” маҳалласи иштирокчиси Тўлаганов Рихситилла якун ясади. 

Қиз болалар ўртасида фахрли I-ўринни Чилонзор тумани “3-Чарх Камолон” маҳалласидан Қаҳрамонжонова Лола, 2-ўринни Бектемир тумани “Олтинтопган” маҳалласи иштирокчиси Назарова Ширина ва 3-поғонани Яккасарой тумани “Мухандислар” маҳалласи иштирокчиси Югина Екатериналар эгаллашди. 

Мусобақа ғолиблари ҳамда иштирокчилари Фуқароларнинг ўзини ўзи бошқариш органлари фаолиятини мувофиқлаштириш бўйича Тошкент шаҳар кенгаши ҳамда Тошкент шаҳар Касаба уюшмасининг эсдалик совғалари ва дипломлари билан тақдирландилар.

Суратлар муаллифи - Алимурод Мамадаминов