Тошкент шаҳар ҳокими энди "аълочи"!

Олимпия шаҳарчасида ўтган “Uzbekistan Judo Tour” мусобақаси 2025 йилги мавсумининг якуний босқичи тақдирлаш маросими чоғида Тошкент шаҳар ҳокими Шавкат Умурзаковга Спорт вазирининг тегишли буйруғига мувофиқ “Жисмоний тарбия ва спорт аълочиси” кўкрак нишони тантанали равишда топширилди.

Шавкат Бурановичнинг Тошкент шаҳрида спорт инфаратузилмасини ривожлантириш, жисмоний тарбия ва спортни оммалаштириш, аҳоли ва ёшлар ўртасида соғлом турмуш тарзини тарғиб қилиш ҳамда Олимпия ва Паралимпия ҳаракатини янги босқичга олиб чиқишдаги ҳамкорлиги, шунингдек, “Президент Олимпиадаси” мусобақасида Тошкент шаҳри спортчилари умужамоа ҳисобида фахрли биринчи ўринни эгаллагани алоҳида эътироф этилди.