UZ

Сўнгги янгиликлар

10:43Miami Open. Қозоғистонлик теннис маликаси бу йил ҳам финалда ўйнайди 0 10:21Сабриэль Матиаснинг чемпионлик ҳимоя жанги расман тасдиқланди! Рақиб енгилмас боксчи! 0 10:00Италиялик жаҳон чемпиони Қозоғистонга келди 0 09:39Бугун Туркиядаги "Катта Дубулға"да 7 нафар дзюдочимизга мухлислик қиламиз 0 09:18Карлос Алькарасни Майамидаги "Мастерс"дан чиқариб юборишди 0 08:51Жорж Сен-Пьер фаолиятини якунлаш сабабини айтди 0 08:30Абдуқодир Ҳусанов "Лилль" билан ўйинни ўтказиб юборади 0 08:05Шоҳжаҳон Эргашев рақибини 1-раунддаёқ нокаутга учратди 1 20:46“Great Silk way-2024”. Боксчиларимиз турнирни умумжамоа ҳисобида биринчи ўринда якунлашди 0 19:50Дана Уайт Конор Макгрегорнинг камчилиги ҳақида гапирди 0 19:28Оливейра нима учун Царукян билан жангга рози бўлганини айтди 0 19:06Хавининг дисквалификацияси бўйича апелляция рад этилди 0 18:45Жаҳонгир Нажмиддиновнинг Анвар Азизли билан жанги бўйича берилган апеллация натижаси қандай бўлди? 0 18:23Новак Жокович грунт мавсумга тайёргарликни бошлади 0 18:02Оливейра Царукянга маслаҳат берди 0

24 фев 22:10
Янгиликлар

Бошқалар

Тошкент шаҳар жисмоний тарбия ва спорт бошқармаси энг яхши ҳудуд деб топилди. Энг яхши ташкилотчи?!

Теглар :  Бошқарма
Тошкент шаҳар жисмоний тарбия ва спорт бошқармаси энг яхши ҳудуд деб топилди.

Маълумки, Вазирлар Маҳкамасининг 2019 йил 7 январдаги “Давлат ва хўжалик бошқаруви органлари ҳамда маҳаллий давлат ҳокимияти органлари ходимларининг жисмоний тарбия ва спорт билан мунтазам шуғулланишини ташкил этиш чора-тадбирлари тўғрисида”ги 6-сонли қарорига мувофиқ Жисмоний тарбия ва спорт вазирлиги томонидан танлов ўтказиш белгиланган эди.

Унга кўра, ташкилотларнинг барча бўлинмаларида ташкил этилган соғломлаштириш, жисмоний тарбия ва спорт машғулотларини мунтазам равишда ўтказганлиги ҳамда аҳолининг кенг қатламлари ўртасида оммавий спортни ривожлантириш, оммавий спорт тадбирларини ташкил этганлиги учун номинациялари бўйича ғолиблар аниқланди.

Танлов иккита йўналиш бўйича ўтказилди. “Ташкилотларнинг барча бўлинмалари миқёсида ташкил этилган соғломлаштириш, жисмоний тарбия ва спорт машғулотларини мунтазам равишда ўтказганлиги” номинациясида ғолибни аниқлашда қуйидаги мезонларга жиддий эътибор қаратилди:

  • ходимларнинг иш вақти давомида 3 маҳал ишлаб чиқариш гимнастикаси билан шуғулланиши;
  • ташкилотлар тизимидаги муассасалар ўртасида оммавий спорт мусобақалари ташкил этилганлиги;
  • аҳолининг кенг қатламлари ўртасида соғломлаштириш, жисмоний тарбия, оммавий спорт ишларини ташкил этганлиги;
  • ташкилотларда оммавий спортни тарғиб қилиш ва ходимларнинг жисмоний тарбия билан шуғулланишларига шарт-шароитлар яратиш мақсадида тегишли ҳужжатлар ишлаб чиқилганлиги;
  • ташкилотларнинг Интернет жаҳон ахборот тармоғидаги веб-сайтларида соғлом турмуш тарзини тарғиб қилувчи роликлар жойлаштирилганлиги;
  • ташкилотларда ходимларнинг жисмоний тарбия билан шуғулланишлари учун махсус спорт комплексларини (тренажёр, фитнес заллар ва бошқалар) ташкил этилганлиги.

Кези келганда таъкидлаш керак, негадир корхона-ташкилотлар, қолаверса давлат ва хўжалик бошқаруви ҳамда маҳаллий давлат ҳокимияти органлари танловга у қадар жиддий ёндашмади. Танлов ғолибларини аниқлашда Ҳакамлар ҳайъати баъзи камчиликларга кўз юмишди ҳам. Натижада мамлакатимиздаги корхона ва ташкилотлар ўртасида ўтказилган “Ташкилотларнинг барча бўлинмалари миқёсида ташкил этилган соғломлаштириш, жисмоний тарбия ва спорт машғулотларини мунтазам равишда ўтказганлиги учун” номинациясида Тошкент вилояти томонидан тавсия этилган “Maxam-Chirchiq” акционерлик жамияти ғолиб, деб топилди. Улар 100 баллик тизимда 85 балл жамғаришди. Навоий вилоятидан тавсия этилган Навоий кон-металлургия комбинати жамоаси эса 65 балл билан иккинчи бўлди. Кучли учликни Қашқадарё вилояти номзоди якунлаб берди.

“Аҳолининг кенг қатламлари ўртасида оммавий спортни ривожлантириш, оммавий спорт тадбирларини ташкил этганлиги учун” номинациясида ғолиблик учун вазирликнинг ҳудудий бошқармалари кураш олиб боришди. Ушбу номинацияда ҳам ғолиб 100 баллик тизимда аниқланди. Бунда 1-ўринни 65 балл билан Тошкент шаҳар жисмоний тарбия ва спорт бошқармаси эгаллаган бўлса, кучли учликдан Қашқадарё ва Хоразм вилоятлари жой олишди.

Шунингдек, танлов ғолибларини аниқлашда ташкилот раҳбарларининг жисмоний тарбия ва спорт соҳасини ривожлантириш йўлида амалга оширган ишлари ҳам инобатга олинди.

2019 йил якунлари бўйича танлов ғолиблари “Жисмоний тарбия ва спорт аълочиси” кўкрак нишони ҳамда Ўзбекистон Республикасида ўрнатилган энг кам иш ҳақининг 50 баравари миқдорида пул мукофотлари билан тақдирланади. Ғолибларни тантанали тақдирлаш маросими эса яқин кунларда вазирлик биносида ўтказилади.

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг