Тошкент вилояти каратэчилари Туркиядаги мусобақадан медаллар билан қайтди

Мусобақада 35 давлатдан тўрт мингдан зиёд ёш каратчилар ғолиблик учун татамига чиқди. Қувонарлиси, мазкур халқаро турнирда Тошкент вилоятининг Тошкент тумани спорт мактаби мураббийи Дилшод Юсупов ва унинг шогирди Саидкамол Адилов ҳамда Бекобод шаҳар спорт мактаби мураббийи Ҳамдамжон Шодибеков ва шогирди Камронбек Абдуқаюмовлар ҳам иштирок этиб, муваффақиятли натижаларга эришди. 

Хусусан, Тошкент тумани спорт мактаби тарбияланувчиси Саидкамол Адилов ушбу нуфузли халқаро турнирда бронза медалини қўлга киритган бўлса, унинг жамоадоши бекободлик Камронбек Абдуқаюмов ҳам бронза медалига эгалик қилди.

Дарвоқе, хабарингиз бўлса керак, ушбу маҳоратли каратэчилар ноябрь ойида Бирлашган Араб Амирлигининг Абу-Даби шаҳрида ўтказилган халқаро мусобақада олтин медалларни қўлга киритишган эди. 

Илҳом РАҲМОНОВ тайёрлади