Тошкент вилоятида от спортини ривожлантириш бўйича кенг кўламли ишлар амалга оширилмоқда

Жумладан, Ўзбекистон Республикаси Президентининг 2019 йил 18 февралдаги ПҚ-4194-сон “Ўзбекистон Республикасида йилқичилик ва от спортини янада ривожлантириш чора-тадбирлари тўғрисида”ги қарорига мувофиқ от спорти базалари ташкил этиш ва мавжудларидан оқилона фойдаланиш қўйилди.

Тошкент вилояти якка кураш турларига ихтисослаштирилган болалар ва ўсмирлар спорт мактаби қошида ҳам от спорти билан мунтазам шуғулланиш учун шароит мавжуд бўлсада, бу ерда малакали мураббий ва спортчиларга бўлган шароит талаб даражасида эмас эди.

Шу боисдан Тошкент вилояти Жисмоний тарбия ва спорт бошқармаси бошлиғи томонидан вилоятда от спорти билан шуғулланувчилар сонини ошириш ва яқин келажакда ушбу спорт тури бўйича маҳоратли спортчилани етиштиришга алоҳида эътибор қаратилмоқда.

Бошқарма бошлиғи Комилжон Адилов якка кураш турларига ихтисослаштирилган болалар ва ўсмирлар спорт мактаби қошидаги от спорти базасинининг бугунги ҳолатини ўрганган ҳолда бу ердаги малакали мутахассислар билан учрашди.

Учрашувда керакли кадрларни жалб этиш ва уларни муносиб рағбатлантириш масалаларини муҳокама қилди ва ИБЎСМда от спорти бўйича меҳнат қилаётган ҳар бир мутахассисга бошқарманинг қимматбаҳо совғаларини топширди.

Шунингдек, бошқарма томонидан мураббийлар ва спортчилар учун махсус спорт формалари тақдим этилди. Умид қиламизки, тез орада бу каби ислоҳотлар ўз самарасини бериб, халқаро майдонларда Ўзбекистон шарафини муносиб ҳимоя қиладиган қатор спортчилар етишиб чиқади.