"Тошкент ёзи" рейтинг турнири якунига етди ФОТОГАЛЕРЕЯ

300 нафарга яқин шахмат ихлосмандлари “А” ва “Б” гуруҳларига бўлинган ҳолда ўз маҳоратларини намоён этди.

“А” гуруҳида Акбарали Абдуҳакимов ғолиблик шоҳсупасининг энг юқори поғонасидан ўрин олди. Кейинги ўринлар Гулдона Ҳакимова (қиз болалар хоҳишига қараб ўғил болалар гуруҳида дона суриши мумкин - таҳририят) ва Ҳадиятилло Мухамедовларга насиб этди.

Фахрийлар ўртасида Иброҳимжон Ҳусаинов, қизлар орасида Руқия Олимова, 12 ёшлилар баҳсида Шаҳзод Исломов, 16 ёшлиларда Шерали Ортиқовлар ғолиб бўлишди.

“Б” гуруҳида 1-ўринга Акром Йўлдошев муносиб топилди. Иккинчи ўринни Баҳовуддин Халилов, 3-ўринни эса Сардор Салоҳиддинов эгаллади. 8 ёшгача бўлган болалар ўртасида Нурислом Абдулаҳатов, 10 ёшгача бўлган болалар орасида эса Самир Муҳамадиев ғолибликни қўлга киритди.

Қизлар ўртасидаги баҳсларда Лазизабону Комилжоновага тенг келадигани топилмади.2-ўрин Холида Муҳаммадиевага, 3-ўрин эса Дилнура Турсунбоевага насиб этди. 8 ёшгача бўлган қизлар ўртасида Мадина Салимтошева, 10 ёшгача бўлган қизлар ўртасида эса Вера Киселева ғолиб бўлди.

“Тошкент ёзи” анъанавий рейтинг турнирининг ғолиб ва совриндорлари ташкилотчилар томонидан таъсис этилган диплом, медаль ва пул мукофотлари билан тақдирланди.

Алимурод МАМАДАМИНОВ, ўз мухбиримиз