Тошкентда бронза олган боксчи ҳаваскордаги фаолиятини якунлади

Энди 28 ёшли россиялик боксчи бор эътиборини профессионал боксга қаратади. 

"Тошкентдаги жаҳон чемпионати мен учун фаолиятимдаги биринчи ва охиргиси бўлди. Ёдингизда бўлса, мен Олимпиададан кейиноқ проф боксга ўтишим ҳақида гапиргандим. Афсуски, ўтган йилнинг кузида профессионал боксдаги жангим амалга ошмай қолди. Кейин Читадаги Россия чемпионатида ғалаба қозониб, Тошкентдаги жаҳон чемпионатига йўл олдим. Такрор айтаман, бу менинг биринчи ва охирги жаҳон чемпионатим бўлди. Бошқа ҳаваскор миқёсдаги мусобақаларда жанг ўтказмайман. Бунга 100% кафолат бераман. Менинг жанг олиб бориш услубим айнан профессионал боксга тўғри келади", — деди Матч ТВ телеканалига берган интервьюсида. 

Маълумот учун, Имам Хатаев профессионал боксдаги дебют жангини 2021 йилнинг ноябрь ойида ўтказган, ҳисобида 3 та нокаутли ғалаба бор.