Тошкентда гандбол бўйича Осиё чемпионати бошланмоқда

Унда қитъамизнинг энг кучли 8 жамоаси ғолиблик учун баҳс олиб боради. Турнирда Ўзбекистон терма жамоаси “А” гуруҳида Хитой, Хитой Тайпейи, Гонконг ва Ҳиндистон жамоалари билан беллашади. 

Ҳамюртларимиз биринчи турни бугун Ҳиндистонга қарши ўтказиши кўзда тутилган. Ўйин соат 18:30 да мусобақага мезбонлик қиладиган “Алпомиш” муз саройида бошланади. 

Жамоамизнинг гуруҳ босқичидаги тақвими билан танишинг:

1-тур: Ўзбекистон – Ҳиндистон (20 август, соат 18:30)

2-тур: Ўзбекистон – Гонконг (21 август, 18:00)

3-тур: Ўзбекистон – Хитой Тайпейи (24 август, 18:00)

4-тур: Ўзбекистон – Хитой (25 август, 18:00)

Маълумот учун, ушбу қитъа биринчилиги келаси йил U20 ёш тоифасида ўтадиган жаҳон чемпионатига саралаш вазифасини ўтаб беради. Мусобақада ярим финалга етиб борган жамоаларга жаҳон чемпионати йўлланмаси насиб этади.