29 дек 17:21
Янгиликлар

Дзюдо

Тошкентда машғулот ўтказган Қирғизистон терма жамоаси Бишкекка қайтди + ФОТО

Хабарингиз бор, Тошкентда икки ҳафта давомида бир нечта мамлакат терма жамоалари иштирокида халқаро ўқув-машғулот йиғини ўтказилган эди.

Унда юртимиз дзюдочиларидан ташқари Россия, Грузия, Словения, Қирғизистон терма жамоалари иштирок этди. Икки ҳафталик йиғинни якунлаган ён қўшниларимиз - Қирғизистон терма жамоаси делегацияси Тошкентдан Бишкекка қайтди.

Ҳисоб бўйича иккинчи Тошкент халқаро йиғини барча иштирокчи давлат дзюдочиларига 2021 йилнинг 11-13 январь кунлари Қатар пойтахти Доҳа шаҳрида ўтказиладиган "Мастерс" турнирига тайёргарлик босқич вазифаси ўтаб берди.

Маълумот учун, Илиас Илиадис бош мураббийлигидаги Ўзбекистон терма жамоаси 2 январь куни Қатарга жўнаб кетади. У ерда бир ҳафталик машғулот йиғини ўтказилиши режалаштирилган.