13 дек 15:40
Янгиликлар
От Спорти
Тошкентда Осиё от спорти федерациясининг Бош Ассамблеяси якунланди
Хабар бериб ўтганимиздек, Тошкент шаҳри 10-12 декабрь кунлари Осиё от спорти федерациясининг Бош Ассамблеясига мезбонлик қилди.
Асосий масала – федерация фаолиятини мувофиқлаштиришда катта аҳамиятга эга бўлган Низомни янгилаш эди.
Иштирокчилар овоз бериш қоидаларини, мусобақалар вақтидаги меъёрларни муҳокама қилишди. Якунда янги Низом тасдиқланди. Бу орқали Осиё от спорти федерацияси тарихида янги саҳифа очилмоқда.
Ўз навбатида, Осиё от спорти федерацияси раҳбарияти мазкур Ассамблеяни юқори савияда ташкил эта олгани учун Ўзбекистон йилқичилик ва от спорти федерациясига миннатдорчилик билдирди. Бундан ташқари Ўзбекистонда от спорти ривожланиб бораётгани алоҳида қайд этилди.
Ҳавола :
Манба : olympic.uz
Фикрлар