Тошкентда ўтказилаётган халқаро машғулотдан ФОТОРЕПОРТАЖ

Машғулотлар "Универсал" спорт саройида кунига икки маҳалдан ўтказилаётган бўлиб, барча иштирокчи давлат терма жамоаларига шу ойнинг ўзида Грузия мамлакати мезбонлик қиладиган Тбилиси "Катта Дубулға" турнирига тўғридан-тўғри тайёргарлик вазифасини ўтаб беради. 

Ўзбекистон Миллий олимпия қўмитаси раиси ўринбосари, мамлакат дзюдо федерацияси раиси Азизжон Камилов бевосита "Универсал" саройида машғулотларни кузатди ва унинг якунида мураббийларимиз билан суҳбаташди. 

Табиийки, бу халқаро йиғин барча иштирокчи мамлакат дзюдочилари учун фойдали бўлмоқда. Ўзбекистон дзюдо федерацияси томонидан машғулотларнинг юқори савияда ўтказилиши учун барча зарурий шароитлар яратилган. Бундан меҳмонларнинг ўзлари ҳам мамнун. 

Таъкидлаш жоиз, бу Тошкентда ўтказилаётган биринчи халқаро машғулот эмас. Ўтган йилнинг ноябрь ва декабрь ойларида ҳам пойтахтимизда Франция, Миср, Грузия, Қирғизистон, Россия каби давлат терма жамоаларининг қўшма машғулоти ташкил этилган эди.